വ്യാകരണ ശിരോമണി ഒ.കെ. മുൻഷി അനുസ്മരണവും അവാർഡ് ദാനവും നടന്നു
പയ്യന്നൂർ: വ്യാകരണ ശിരോമണി ഒ.കെ. മുൻഷി അനുസ്മരണവും അവാർഡ് ദാന ചടങ്ങും പയ്യന്നൂർ തുമ്പക്കൊവ്വൽ എ.കെ.പി. പബ്ലിക് ഓറിയന്റൽ റിസർച്ച് ആൻഡ് ലൈബ്രറിയിൽ വെച്ച് നടന്നു. പയ്യന്നൂർ എം.എൽ.എ ടി.ഐ. മധുസൂദനൻ ചടങ്ങ് ഉദ്ഘാടനം ചെയ്തു.
ചടങ്ങിൽ ഡോ. കെ.എച്ച്. സുബ്രഹ്മണ്യന് ഇത്തവണത്തെ ഒ.കെ. മുൻഷി അവാർഡ് സമർപ്പിച്ചു. സദനം നാരായണനാണ് പുരസ്കാരം കൈമാറിയത്. ഡോ. സി. ലക്ഷ്മി അവാർഡ് ജേതാവിനെ സദസ്സിന് പരിചയപ്പെടുത്തി. പാണപ്പുഴ പത്മനാഭൻ പണിക്കർ അനുസ്മരണ ഭാഷണം നടത്തി.
എ.കെ.പി. ലൈബ്രറി പ്രസിഡന്റ് പി. പത്മനാഭൻ അധ്യക്ഷത വഹിച്ചു. നഗരസഭ കൗൺസിലർമാരായ പോത്തേര കൃഷ്ണൻ, കെ.വി. നിമ്യ എന്നിവർ ആശംസകൾ നേർന്നു. അവാർഡ് ജേതാവ് ഡോ. കെ.എച്ച്. സുബ്രഹ്മണ്യൻ മറുപടി പ്രസംഗം നടത്തി. ഡോ. ഇ. ശ്രീധരൻ സ്വാഗതവും ലൈബ്രറി സെക്രട്ടറി കെ.പി. വിജയകൃഷ്ണൻ നന്ദിയും പറഞ്ഞു.
About The Author
