തീ പൊള്ളലേറ്റ സ്ത്രീ മരിച്ചു
ആലക്കോട്: വീട്ടിലെ നിലവിളക്കിൽ നിന്ന് വസ്ത്രത്തിന് തീപിടിച്ച് ഗുരുതരമായി പൊള്ളലേറ്റ വയോധിക മരിച്ചു. കരിങ്കയം കട്ടയാൽ താഴെ മഞ്ഞക്കാട്ടെ കൊച്ചുപറമ്പിൽ അമ്മിണി (പൊന്നമ്മ-73) ആണ് അന്തരിച്ചത്.
വെള്ളിയാഴ്ച സന്ധ്യാപ്രാർത്ഥനയ്ക്കായി നിലവിളക്കിനടുത്തേക്ക് വരുന്നതിനിടെ അബദ്ധത്തിൽ വസ്ത്രത്തിൽ തീ പടരുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പരേതനായ കുട്ടപ്പനാണ് ഭർത്താവ്.
മക്കൾ: സുകുമാരൻ (ഡ്രൈവർ, കരിങ്കയം), ബാബു, പരേതനായ ബിജു.
മരുമക്കൾ: ഓമന (കൂവോട്), സുജാത (മണിക്കൽ).
സംസ്കാരം ഇന്ന് (ഞായറാഴ്ച) വൈകുന്നേരം 3.30-ന് കട്ടയാൽ പൊതുശ്മശാനത്തിൽ നടക്കും.
About The Author
