തൊഴിലിനിടെ അപകടം; ചികിത്സയിലായിരുന്ന പെയിന്റിംഗ് തൊഴിലാളി മരിച്ചു
തളിപ്പറമ്പ്: പെയിന്റിംഗ് ജോലിക്കിടെ കെട്ടിടത്തിന്റെ ഒന്നാം നിലയിൽ നിന്ന് വീണ് പരിക്കേറ്റ് ചികിത്സയിലായിരുന്ന മധ്യവയസ്കൻ മരിച്ചു. പടിയൂർ വട്ടപ്പാറയിലെ കിഴക്കേവള്ളിക്കാട്ടിൽ കെ.എം. ജോസ് (62) ആണ് മരിച്ചത്. പരേതരായ മാത്യു-ഏലിയാമ്മ ദമ്പതികളുടെ മകനും പ്രദേശത്തെ ആദ്യകാല വ്യാപാരിയുമായിരുന്നു.
ജനുവരി 27-ന് രാവിലെ ഒൻപത് മണിയോടെ മുയ്യം ചെപ്പിനൂലിലെ രാജേഷിന്റെ വീട്ടിൽ പെയിന്റിംഗ് ജോലി ചെയ്യുന്നതിനിടെയാണ് അപകടം സംഭവിച്ചത്. ഉടൻ തന്നെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ഇന്ന് രാവിലെ എട്ട് മണിയോടെ മരണം സംഭവിക്കുകയായിരുന്നു.
ഭാര്യ: താര. മക്കൾ: അഖിൽ, അമൃത. മരുമക്കൾ: റയന, ജിതിൻ. സഹോദരങ്ങൾ: ഡെയിസി, ഷർളി, സണ്ണി, ഷൈബി. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും. ശവസംസ്കാരം നാളെ (ഫെബ്രുവരി 3, ചൊവ്വാഴ്ച) വൈകുന്നേരം 4 മണിക്ക് മാങ്കുഴി സെന്റ് തോമസ് പള്ളിയിൽ നടക്കും.
About The Author
