പോലീസ് അസോസിയേഷൻ കണ്ണൂർ റൂറൽ ജില്ലാ സമ്മേളനം ഫെബ്രുവരി 24-ന്; സംഘാടക സമിതി രൂപീകരിച്ചു
തളിപ്പറമ്പ്: കേരള പോലീസ് അസോസിയേഷൻ മൂന്നാം കണ്ണൂർ റൂറൽ ജില്ലാ സമ്മേളനത്തിന്റെ വിജയത്തിനായി സംഘാടക സമിതി രൂപീകരിച്ചു. ഫെബ്രുവരി 24 ചൊവ്വാഴ്ച തളിപ്പറമ്പ് ഡ്രീം പാലസ് ഓഡിറ്റോറിയത്തിൽ വെച്ചാണ് സമ്മേളനം നടക്കുന്നത്.
തളിപ്പറമ്പ് റിക്രിയേഷൻ ക്ലബ്ബിൽ നടന്ന സംഘാടക സമിതി രൂപീകരണ യോഗം തളിപ്പറമ്പ് ഡിവൈ.എസ്.പി. കെ.ഇ. പ്രേമചന്ദ്രൻ ഉദ്ഘാടനം ചെയ്തു. കെ.പി.എ. ജില്ലാ പ്രസിഡന്റ് ടി.വി. ജയേഷ് അധ്യക്ഷത വഹിച്ചു.
സമ്മേളന നടത്തിപ്പിനായി വി. ഷിബു ചെയർമാനും എൻ.വി. രജീഷ് കൺവീനറുമായി നൂറംഗ കമ്മിറ്റിയെ തിരഞ്ഞെടുത്തു. ചടങ്ങിൽ കെ.പി.ഒ.എ. സംസ്ഥാന ജോയിന്റ് സെക്രട്ടറി രമേശൻ വെള്ളോറ, സംസ്ഥാന നിർവാഹക സമിതി അംഗങ്ങളായ രാജേഷ് കടമ്പേരി, കെ.പി. അനീഷ്, ജില്ലാ സെക്രട്ടറി എൻ.വി. രമേശൻ എന്നിവർ ആശംസകൾ നേർന്നു. കെ.പി.എ. ജില്ലാ സെക്രട്ടറി കെ. പ്രിയേഷ് സ്വാഗതവും ജില്ലാ ജോയിന്റ് സെക്രട്ടറി കെ.പി. സനത്ത് നന്ദിയും പറഞ്ഞു.
About The Author
