ലോഡ്ജ് കേന്ദ്രീകരിച്ച് പെൺവാണിഭം ആറുയുവതികളും മൂന്നു പുരുഷന്മാരും പിടിയിൽ
ചന്തേര : ചെറുവത്തൂരിൽ ലോഡ്ജ് കേന്ദ്രീകരിച്ച്അനാശാസ്യവും പെൺവാണിഭവും ആറു യുവതികളും മുന്ന് പുരുഷന്മാരും പിടിയിൽ. ചെറുവത്തൂർ ടൗണിലെ മലബാർ ലോഡ്ജിൽചന്തേര പോലീസിൻ്റെ നേതൃത്വത്തിൽ നടത്തിയ റെയ്ഡിലാണ് നടത്തിപ്പുകാർ ഉൾപ്പെടെ ആറു യുവതികളും മൂന്ന് പുരുഷന്മാരും പിടിയിലായത്. ഇന്നലെ രാത്രി 7.30 മണിയോടെ ചന്തേര സ്റ്റേഷൻ ഇൻസ്പെക്ടർ കെ. പ്രശാന്തിൻ്റെ നേതൃത്വത്തിൽ നടത്തിയ റെയ്ഡിലാണ് വാണിഭസംഘം പിടിയിലായത്. കാസറഗോഡ് മുള്ളേരിയ സ്വദേശിനിയും ചെറുവത്തൂരിൽ ലോഡ്ജിൽ അനാശ്യ പ്രവർത്തനത്തിന് നേതൃത്വം നൽകിവന്ന നസീമ (47) യുടെയും ലോഡ്ജ് ഉടമ ചെറുവത്തൂർ പയ്യങ്കി സ്വദേശി മുഹമ്മദ് അസൈനാർക്കെതിരെയും ചന്തേര പോലീസ് കേസെടുത്തു. രണ്ടു മാസം മുമ്പും ഇതേ ലോഡ്ജിൽ നിന്നും അനാശാസ്യത്തിനെത്തിയവരെ റെയ്ഡിനെത്തിയ പോലീസ് പിടികൂടിയിരുന്നു.
സ്ത്രീകളെ ലോഡ്ജിലെത്തിച്ച് പണത്തിനു വേണ്ടി വ്യഭിചാരം നടത്തിയതെന്ന് മനസ്സിലാക്കിയ പോലീസ് യുവതിയെ പിടി കൂടി കേസെടുക്കുകയും ഇതിന് ഒത്താശ ചെയ്തു കൊടുത്തതിനു ലോഡ്ജ് ഉടമക്കെതിരെയും കേസെടുത്തു. റെയ്ഡിൽ ബീഹാർ, അസാം സ്വദേശിനി കളായ അഞ്ചു യുവതികളെയും ,പാലക്കാട്, കണ്ണൂർ, കാസറഗോഡ് സ്വദേശികളായ മൂന്നു പുരുഷന്മാരെയും പോലീസ് പിടികൂടിയെങ്കിലും പിന്നീട് വിട്ടയച്ചു. ലോഡ്ജിലെ താമസക്കാരെ ക്കുറിച്ചുള്ള ലഡ്ജർ പോലീസ് കസ്റ്റഡിയിലെടുത്തു.
About The Author
