വീട് കുത്തി തുറന്ന് ആറേകാൽ പവനും ഒരു ലക്ഷം രൂപയും കവർന്നു
ബേക്കൽ: വീട്ടുകാർ പുറത്തുപോയ തക്കം നോക്കിവീടിൻ്റെ മുൻവശത്തെ വാതിൽ കുത്തി തുറന്ന് ആറേകാൽ പവൻ്റെ ആഭരണങ്ങളും ഒരു ലക്ഷം രൂപയും കവർന്നു. പെരിയ നാലേക്രയിലെ പൊന്നു നിവാസിൽ ഇ.വി. ഗോപാലകൃഷ്ണൻ്റെ വീട്ടിലാണ് കവർച്ച. ശനിയാഴ്ച വൈകുന്നേരം5.45 നും രാത്രി 8.35നുമിടയിലായിരുന്നു കവർച്ച നടന്നത്. അകത്ത് കടന്ന മോഷ്ടാവ് വീട്ടിലെ കിടപ്പുമുറികളിലെ മേശയിലും അലമാരയിലും സൂക്ഷിച്ച ആഭരണവും പണവുമാണ് കവർന്നത്. തുടർന്ന് ബേക്കൽ പോലീസിൽ പരാതി നൽകി. 7, 20,000 രൂപയുടെ നഷ്ടം സംഭവിച്ചു വെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.
About The Author
