DYFI പ്രതിഷേധം: സ്വകാര്യ ബസ് സമരത്തിനെതിരെ തലശ്ശേരിയിൽ പ്രകടനം
തലശ്ശേരി: സ്വകാര്യ ബസുടമകൾ നടത്തുന്ന സമരത്തിന്റെ ഭാഗമായി സാധാരണ ജനങ്ങൾക്ക് ഉണ്ടായ യാത്രാക്ലേശത്തിനെതിരെ DYFI തലശ്ശേരി ബ്ലോക്ക് കമ്മിറ്റിയുടെ നേതൃത്വത്തിൽ ശക്തമായ പ്രതിഷേധം നടത്തി. തലശ്ശേരി പുതിയ ബസ് സ്റ്റാൻഡിലേക്ക് നടത്തിയ പ്രകടനത്തിൽ നിരവധി DYFI പ്രവർത്തകർ പങ്കെടുത്തു.
സമരം പോലുള്ള നടപടികൾ പൊതുജനങ്ങളെ ബുദ്ധിമുട്ടിക്കുന്ന തരത്തിലാകുമ്പോൾ അത് സഹിക്കാൻ കഴിയില്ലെന്നും, അതിനായി DYFI ശക്തമായ നിലപാട് സ്വീകരിക്കുമെന്നും DYFI ജില്ലാ പ്രസിഡന്റ് മുഹമ്മദ് അഫ്സൽ പറഞ്ഞു. കഴിഞ്ഞ 28-ാം തിയതിയിൽ നടന്ന സംഭവവുമായി ബന്ധപ്പെട്ട് രണ്ട് പേരെ പോലീസ് അറസ്റ്റ് ചെയ്ത് റിമാൻഡ് ചെയ്തതായും, പോലീസ് തുടർന്നും കർശന നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.
പൊതുജനങ്ങൾക്ക് ബസുമില്ലാതെ യാത്രാക്ലേശമുണ്ടായ സാഹചര്യത്തിൽ DYFI ബദൽ യാത്രാ സൗകര്യങ്ങൾ ഒരുക്കി. നഗരത്തിന്റെ വിവിധ ഭാഗങ്ങളിൽ DYFI ബസ് സർവീസുകളും സംഘാടകസമിതിയുടെ നേതൃത്വത്തിൽ സംഘടിപ്പിച്ചു.
പ്രതിഷേധ പരിപാടികൾക്ക് പി.വി. സച്ചിൻ, പി. സനീഷ് എന്നിവരും നേതൃത്വം നൽകി.
About The Author
