അമ്പതാണ്ടുകൾക്കുശേഷം സ്ക്കൂളിൽ തിരിച്ചെത്തി; കുട്ടികൾക്കൊപ്പം കഥകൾ പങ്കിട്ട് പൂർവവിദ്യാർത്ഥിനി
പാന്തോട്ടം: മോറാഴ വെസ്റ്റ് എ.എൽ.പി സ്കൂളിൽ വിദ്യാർത്ഥികളോടൊപ്പം വേറിട്ടൊരു അനുഭവം പങ്കുവെച്ചത് റിട്ട. പ്രിൻസിപ്പാളും പൂർവവിദ്യാർത്ഥിനിയുമായ ഒ. രതി ആയിരുന്നു. അമ്പതു വർഷങ്ങൾക്ക് ശേഷമാണ് അവർ തന്റെ ബാല്യകാല സ്കൂളിലേക്ക് വീണ്ടും എത്തുന്നത് — കഥ പറയാൻ!
മൃഗങ്ങളുടെയും പക്ഷികളുടെയും മനുഷ്യരുടെയും കഥകളും നാടോടിക്കഥകളും പുരാണത്തിലെ കഥകളും കുട്ടികളോടൊപ്പം പങ്കുവെച്ച രതി ടീച്ചർ, താനൊരു കുട്ടിയായി തിരിച്ചുപോയ അനുഭവം പങ്കുവച്ചു. കുട്ടികൾ ആസ്വദിച്ച കഥാപരിപാടിയിൽ അവരുടെ കഥപറച്ചിലും സജീവമായി ഉൾക്കൊണ്ടു.
റിട്ടയർമെൻറ് ജീവിതം സർഗാത്മകമാക്കാനുള്ള ശ്രമങ്ങളുടെ ഭാഗമായാണ് ഒ. രതിയുടെ ഈ സ്നേഹസന്ദർശനം. പഠനത്തിന് പുറമേ ജീവിതത്തെക്കുറിച്ചും കഥകളിലൂടെ കുട്ടികൾക്ക് അനുഭവം നൽകാൻ ഇതുപോലുള്ള സംരംഭങ്ങൾ പുതിയ വഴികളാണ് തുറക്കുന്നത്.
സ്കൂൾ പ്രധാനാധ്യാപകൻ അജയൻ മാസ്റ്ററുടെ നേതൃത്വത്തിൽ ശ്രീദേവി, രമ്യ, ആതിര, രേഖ, ശ്രീലാൽ എന്നീ അധ്യാപകരും മദർ പി.ടി.എ അംഗങ്ങളും ചേർന്നാണ് ഈ പരിപാടി സംഘടിപ്പിച്ചത്. കുട്ടികളോടൊപ്പം അദ്ധ്യാപകരും സ്നേഹപൂർവം കഥകളെ അനുഭവിച്ചുവെന്നും സംഘാടകർ വ്യക്തമാക്കി.
About The Author
