കണ്ണൂർ പാൽചുരത്തിൽ മണ്ണിടിച്ചിൽ, ഗതാഗതം ഭാഗികമായി പുന:സ്ഥാപിച്ചു
കണ്ണൂർ ▸ കണ്ണൂർ-വയനാട് ഹൈവേയിലെ കൊട്ടിയൂർ പാൽചുരത്തിൽ മണ്ണിടിച്ചിലുണ്ടായി. കണ്ണൂരിൽ നിന്ന് വയനാട്ടിലേക്കുള്ള പ്രധാന റോഡിൽ മണ്ണിടിഞ്ഞതിനെ തുടർന്ന് വാഹന ഗതാഗതം പൂർണമായി സ്തംഭിച്ചിരുന്നു. അതേസമയം, അധികൃതരുടെ അടിയന്തിര പ്രവർത്തനങ്ങളിലൂടെ ഇപ്പോൾ ഗതാഗതം ഭാഗികമായി പുന:സ്ഥാപിച്ചിരിക്കുന്നു.
ജില്ലയിൽ കനത്ത മഴ തുടരുന്ന സാഹചര്യത്തിൽ ഓറഞ്ച് അലർട്ട് പ്രഖ്യാപിച്ചിരിക്കുകയാണ്. കണ്ണൂർ, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കാസർകോട് എന്നീ ഒമ്പത് ജില്ലകളിലാണ് ഓറഞ്ച് അലർട്ട്.
അതേസമയം, കണ്ണൂർ-കാസർകോട് തീരത്ത് (കുഞ്ചത്തൂർ മുതൽ കോട്ടക്കുന്ന് വരെ) ഇന്ന് രാത്രി 11.30 വരെ കടലാക്രമണത്തിനും ഉയർന്ന തിരമാലയ്ക്കും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രമായ INCOIS അറിയിച്ചു. തീരദേശ പ്രദേശങ്ങളിൽ മത്സ്യതൊഴിലാളികളും പൊതുജനവും അതീവ ജാഗ്രത പാലിക്കണം എന്ന മുന്നറിയിപ്പും നൽകിയിട്ടുണ്ട്.
About The Author
