പീഡന വാർത്തയ്ക്ക് ലൈക്കടിച്ചതിന് വീട്ടിൽ കയറി മർദ്ദിച്ച യുവാവിനെതിരെ കേസ്
പയ്യന്നൂർ.പീഡന കേസിൻ്റെ വാർത്തയ്ക്ക് ചുവടെ ലൈക്ക് അടിച്ച യുവതിയെവീട്ടിൽ അതിക്രമിച്ച് കയറി മർദ്ദിക്കുകയും തടയാൻ ചെന്ന ഭർത്താവിനെയും മാതാവിനെയും അടിച്ചു പരിക്കേൽപ്പിച്ചുവെന്ന പരാതിയിൽ പോലീസ് കേസെടുത്തു.മാട്ടൂൽ കക്കാടംചാൽ സ്വദേശിനിയായ യുവതിയുടെ പരാതിയിലാണ് ചെറുതാഴം വിളയാങ്കോട് സ്വദേശിയായ രുജിത്തിനെതിരെ പയ്യന്നൂർ പോലീസ് കേസെടുത്തത്.വ്യാഴാഴ്ച രാത്രി 8.45 മണിക്കാണ് പരാതിക്കാസ് പദമായ സംഭവം. പരാതിക്കാരിയുടെ കോറോം കൊക്കോട്ടുള്ള വീട്ടിലേക്ക് അതിക്രമിച്ചു കയറിയ പ്രതി പീഡന കേസിൻ്റെ വാർത്തയ്ക്ക് ലൈക്കടിച്ച വിരോധത്തിൽ തടഞ്ഞുവെച്ച് കൈ കൊണ്ട് അടിച്ചും തല പിടിച്ച് ജനലിനടിച്ചും ഭർത്താവായ ഷിബിനെ കാലുകൊണ്ട് ചവിട്ടിയും തടയാൻ ചെന്ന മാതാവ് മിനിയെ അടിച്ചു പരിക്കേൽപ്പിക്കുകയും ചെയ്തുവെന്ന പരാതിയിലാണ് പോലീസ് കേസെടുത്തത്.
About The Author
