വീടു കുത്തി തുറന്ന് സ്വർണ്ണവും പണവും കവർന്നു
ബേഡകം : പൂട്ടിയിട്ട വീടുകുത്തി തുറന്ന് സ്വർണ്ണവും പണവും കവർന്നു ബേഡഡുക്ക കല്ലടകുറ്റിയിലെ പൂട്ടിയിട്ട വീട്ടിലാണ് കവർച്ച നടന്നത്. മുൻവശത്തെ വാതിൽ കുത്തിതുറന്ന് അകത്ത് കടന്ന മോഷ്ടാവ് കിടപ്പുമുറിയിലെ അലമാരയിൽ സൂക്ഷിച്ച 12 ഗ്രാം സ്വർണ്ണവും12,000 രൂപയും വീട്ടിൽ സ്ഥാപിച്ച നിരീക്ഷണ ക്യാമറയുടെ ഹാർഡ് ഡിസ്ക്കും മോഷ്ടാവ് കടത്തി കൊണ്ടുപോയി. ഈ മാസം 8നായിരുന്നു വീട്ടുകാർ വീടു പൂട്ടി പോയത്. കഴിഞ്ഞ ദിവസമാണ് വീടിൻ്റെ മുൻ വാതിൽ കുത്തി തുറന്ന നിലയിൽ കാണപ്പെട്ടത്.
തുടർന്ന് വീട്ടുടമയുടെ സഹോദരൻ ബേഡഡുക്ക കുമ്പാരത്തോട് സ്വദേശി സി എ മുഹമ്മദ് കുഞ്ഞി ബേഡകം പോലീസിൽ പരാതി നൽകി. കേസെടുത്ത പോലീസ് അന്വേഷണം തുടങ്ങി.
About The Author
