മദ്യ കടത്ത് യുവാവ് അറസ്റ്റിൽ
തളിപ്പറമ്പ് : വിൽപനക്കായിസ്കൂട്ടറിൽ കടത്തുകയായിരുന്ന ആറര ലിറ്റർ മദ്യവുമായി യുവാവിനെ എക്സൈസ് സംഘം പിടികൂടി. പട്ടുവം വെള്ളിക്കീലിലെ കെ. ജിതിനെ (34) യാണ് തളിപ്പറമ്പ് എക്സൈസ് സർക്കിൾ ഇൻസ്പെക്ടർ എസ്. സതീഷും സംഘവും അറസ്റ്റു ചെയ്തത്. നിയമസഭാഇലക്ഷൻ്റെ ഭാഗമായി നടത്തിയ സ്പെഷ്യൽ ഡ്രൈവിൽ പട്ടുവം വെള്ളിക്കീൽ ജംഗ്ഷന് സമീപം വെച്ചാണ് കെ. എൽ.59 എ.ബി. 4624 നമ്പർ സ്കൂട്ടറിൽ കടത്തുകയായിരുന്ന ആറര ലിറ്റർ വിദേശമദ്യവുമായി യുവാവിനെ എക്സൈസ് സംഘം പിടികൂടിയത്. മദ്യം കടത്താൻ ഉപയോഗിച്ച സ്കൂട്ടർ കസ്റ്റഡിയിലെടുത്തു. അറസ്റ്റു ചെയ്തു കോടതിയിൽ ഹാജരാക്കിയ പ്രതിയെ റിമാൻ്റു ചെയ്തു. പരിശോധനയിൽ
അസി.എക്സൈസ് ഇൻസ്പെക്ടർ കെ.കെ. രാജേന്ദ്രൻ, സിവിൽ എക്സൈസ് ഓഫീസർ വിനോദ് എന്നിവരും ഉണ്ടായിരുന്നു. മദ്യം മയക്കുമരുന്ന് വില്പന വിവരങ്ങൾ 04602201020 എന്ന എക്സൈസ് സർക്കിൾ ഓഫീസ് നമ്പറിൽ രഹസ്യ വിവരങ്ങൾ അറിയിക്കാവുന്നതാണ്.
About The Author
