മത്സ്യത്തൊഴിലാളികളുടെ പ്രശ്നങ്ങൾക്ക് പരിഹാരം കാണും; തലശ്ശേരി മാർക്കറ്റിൽ വോട്ടഭ്യർഥിച്ച് യു.ഡി.എഫ് സ്ഥാനാർഥി കെ.പി. സാജു
തലശ്ശേരി: മത്സ്യ മാർക്കറ്റിലെ തൊഴിലാളികൾ അനുഭവിക്കുന്ന പ്രശ്നങ്ങൾക്ക് അടിയന്തര പരിഹാരം കാണുമെന്ന് തലശ്ശേരി നിയോജക മണ്ഡലം യു.ഡി.എഫ് സ്ഥാനാർഥി കെ.പി. സാജു. തിരഞ്ഞെടുപ്പ് പ്രചാരണത്തിന്റെ ഭാഗമായി ഇന്ന് രാവിലെ തലശ്ശേരി മത്സ്യ മാർക്കറ്റിൽ വോട്ടഭ്യർഥിച്ച് എത്തിയതായിരുന്നു അദ്ദേഹം.
തൊഴിലാളികൾക്ക് ഉറപ്പേകി സ്ഥാനാർഥി:
മാർക്കറ്റിൽ എത്തിയ സ്ഥാനാർഥിക്ക് മുന്നിൽ തൊഴിലാളികൾ തങ്ങൾ നേരിടുന്ന വിവിധ പ്രതിസന്ധികളും പ്രശ്നങ്ങളും വിശദീകരിച്ചു. തൊഴിലാളികളുടെ കാര്യങ്ങൾ സസൂക്ഷ്മം കേട്ട സ്ഥാനാർഥി, യു.ഡി.എഫ് വിജയിച്ചാൽ തലശ്ശേരി മാർക്കറ്റിലെ മത്സ്യവിതരണ തൊഴിലാളികൾ നേരിടുന്ന മുഴുവൻ പ്രശ്നങ്ങൾക്കും അടിയന്തരമായി ശാശ്വത പരിഹാരം കാണുമെന്ന് ഉറപ്പ് നൽകി. മാർക്കറ്റിൽ എത്തിയ സ്ഥാനാർഥിക്ക് ഊഷ്മളമായ സ്വീകരണമാണ് തൊഴിലാളികളും വ്യാപാരികളും നൽകിയത്.
യു.ഡി.എഫ് നേതാക്കളായ എം.പി. അരവിന്ദാക്ഷൻ, സാഹിർ പാലക്കൽ, ഫൈസൽ പുനത്തിൽ എന്നിവരും സ്ഥാനാർഥിക്കൊപ്പം ഉണ്ടായിരുന്നു. വരും ദിവസങ്ങളിൽ മണ്ഡലത്തിലെ മറ്റ് പ്രധാന കേന്ദ്രങ്ങളിലും പ്രചാരണം കൂടുതൽ ശക്തമാക്കാനാണ് യു.ഡി.എഫിന്റെ തീരുമാനം.
About The Author
