ബിസിനസ് പങ്കാളിത്തം വാഗ്ദാനം നൽകി യുവാവിൽ നിന്നും 11 ലക്ഷം വാങ്ങി വഞ്ചിച്ചു
വളപട്ടണം : ഡിസ് ട്രി ബ്യൂട്ടർ കമ്പനിയിൽ പങ്കാളിത്തം വാഗ്ദാനം നൽകി യുവാവിൽ നിന്നും 11 ലക്ഷം രൂപ കൈപ്പറ്റിയ ശേഷം ബിസിനസ് തുടങ്ങാതെ വഞ്ചിച്ചപ്പോൾ പണം തിരിച്ചു ചോദിച്ചതിന് മർദ്ദിക്കുകയും കള്ളക്കേസിൽ കുടുക്കുമെന്ന് പറഞ്ഞ് ഭീഷണിപ്പെടുത്തിയെന്ന പരാതിയിൽ കോടതി നിർദ്ദേശപ്രകാരം രണ്ടു പേർക്കെതിരെ പോലീസ് കേസെടുത്തു. മലപ്പുറം മഞ്ചേരി സ്വദേശി കെ ഷാജഹാൻ്റെ (27) പരാതിയിലാണ് അഴീക്കൽ കപ്പക്കടവിലെ കെ.സബ്റീന (41), കണ്ണൂർ പാതിരിയാട് സ്വദേശി കെ.ഹംസാർ എന്നിവർക്കെതിരെ വളപട്ടണം പോലീസ് കേസെടുത്തത്. 2022 മുതൽ അഴീക്കോട് ഉപ്പായിച്ചാലിൽ താമസിച്ചു വരുന്ന പരാതിക്കാരനോട് പ്രതികൾ ഇൻഡ്സ് വിവ കമ്പനിയുടെ ഹെൽത്ത് വെൽനസ് പ്രൊഡക്ട്സ് സെയിൽസ് ആയി സ്ഥാപനം തുടങ്ങുന്നുണ്ടെന്നും ബിസിനസ് പങ്കാളിയാക്കാമെന്ന് പറഞ്ഞ് പരാതിക്കാരനിൽ നിന്നും 2022 നവംബർ മുതൽ 2024 ഡിസംബർ മാസത്തിലുമിടയിലുള്ള കാലയളവിൽ പത്തുലക്ഷം രൂപ കൈക്കലാക്കുകയും കമ്പനിക്ക് വേണ്ടി കാർ വാങ്ങാൻ എന്നു പറഞ്ഞ് ബുക്കിങ്ങിന് അഡ്വാൻസായി 2025 ജനുവരി മാസം ഒരു ലക്ഷം രൂപയും കൈക്കലാക്കിയ ശേഷം പങ്കാളിത്തം നൽകുകയോ ബിസിനസ് ആരംഭിക്കാത്തതിൽ പണം തിരികെ ചോദിച്ചതിന് 2025 സപ്തംബർ മാസത്തിൽ പ്രതികൾ വീട്ടിൽ കയറി രണ്ടാം പ്രതി മർദ്ദിക്കുകയും കളളക്കേസിൽ കുടുക്കുമെന്ന് പറഞ്ഞ് ഭീഷണിപ്പെടുത്തുകയും ചെയ്തുവെന്ന പരാതിയിലാണ് പോലീസ് കേസെടുത്തത്.
About The Author
