അഴീക്കോട് എച്ച്.എസ്.എസിൽ ഫുട്ബോൾ ആവേശം; പുഴാതി നോർത്ത് യു.പി സ്കൂളും അഴീക്കോട് സ്കൂളും ചാമ്പ്യന്മാർ
അഴീക്കോട്: അഴീക്കോട് ഹയർ സെക്കൻഡറി സ്കൂളിന്റെ ആഭിമുഖ്യത്തിൽ സമീപ പ്രദേശങ്ങളിലെ എൽ.പി, യു.പി വിഭാഗം വിദ്യാർത്ഥികൾക്കായി സംഘടിപ്പിച്ച ഫുട്ബോൾ ലീഗ് ആവേശകരമായി പര്യവസാനിച്ചു. നാഷണൽ ഫെൻസിങ് അസോസിയേഷൻ വൈസ് പ്രസിഡന്റ് ഒ.കെ. വിനീഷ് മത്സരങ്ങളുടെ ഉദ്ഘാടനം നിർവ്വഹിച്ചു.
വിവിധ സ്കൂളുകളിൽ നിന്നുള്ള കുട്ടിത്താരങ്ങൾ മാറ്റുരച്ച മത്സരത്തിൽ എൽ.പി വിഭാഗത്തിൽ 6 സ്കൂളുകളും യു.പി വിഭാഗത്തിൽ 7 സ്കൂളുകളും പങ്കെടുത്തു.
വിജയികൾ:
• എൽ.പി വിഭാഗം: പുഴാതി നോർത്ത് യു.പി സ്കൂൾ ചാമ്പ്യന്മാരായി. വളപട്ടണം ആർ.കെ.യു.പി സ്കൂളാണ് റണ്ണേഴ്സ് അപ്പ്.
• യു.പി വിഭാഗം: ആതിഥേയരായ അഴീക്കോട് ഹയർ സെക്കൻഡറി സ്കൂൾ കിരീടം ചൂടി. ഇരിണാവ് യു.പി സ്കൂൾ രണ്ടാം സ്ഥാനം കരസ്ഥമാക്കി.
മത്സര വിജയികൾക്കുള്ള ഉപഹാരങ്ങൾ സ്കൂൾ പി.ടി.എ പ്രസിഡന്റ് കവിത, മദർ പി.ടി.എ പ്രതിനിധി രമിത ടി.വി എന്നിവർ ചേർന്ന് വിതരണം ചെയ്തു.
About The Author
