വികസന മുന്നേറ്റ ജാഥയ്ക്ക് തളിപ്പറമ്പിൽ ഉജ്ജ്വല സ്വീകരണം
തളിപ്പറമ്പ്: സി.പി.എം സംസ്ഥാന സെക്രട്ടറി എം.വി. ഗോവിന്ദൻ മാസ്റ്റർ നയിക്കുന്ന എൽ.ഡി.എഫ് വടക്കൻ മേഖല വികസന മുന്നേറ്റ ജാഥയ്ക്ക് തളിപ്പറമ്പിൽ ആവേശോജ്ജ്വലമായ സ്വീകരണം നൽകി. പ്ലാസ ജംഗ്ഷനിൽ നിന്നാണ് ജാഥാ ക്യാപ്റ്റനെയും മറ്റ് നേതാക്കളെയും സ്വീകരിച്ചത്.
വാദ്യമേളങ്ങൾ, മുത്തുക്കുടകൾ, വിവിധ കലാരൂപങ്ങൾ എന്നിവയുടെ അകമ്പടിയോടെ വൻ ജനപങ്കാളിത്തത്തോടെയാണ് സ്വീകരണ ഘോഷയാത്ര കാക്കത്തോട് ബസ് സ്റ്റാൻഡിലെ സമ്മേളന വേദിയിലേക്ക് നീങ്ങിയത്. സർക്കാരിന്റെ വികസന നേട്ടങ്ങൾ ജനങ്ങളിലെത്തിക്കുക എന്ന ലക്ഷ്യത്തോടെ പ്രയാണം നടത്തുന്ന ജാഥയെ വരവേൽക്കാൻ നൂറുകണക്കിന് പ്രവർത്തകരാണ് തളിപ്പറമ്പിൽ എത്തിയത്.
About The Author
