കണ്ണൂർ നഗരത്തിൽ എസ്.എഫ്.ഐ – യൂത്ത് കോൺഗ്രസ് സംഘർഷം; നേതാക്കൾക്ക് പരിക്ക്, നഗരത്തിൽ പ്രതിഷേധമിരമ്പി
കണ്ണൂർ: ധനരാജ് രക്തസാക്ഷി ഫണ്ട് വിഷയവുമായി ബന്ധപ്പെട്ട് കണ്ണൂർ നഗരത്തിൽ സ്ഥാപിച്ച ഫ്ലെക്സ് ബോർഡുകളെച്ചൊല്ലി എസ്.എഫ്.ഐ – യൂത്ത് കോൺഗ്രസ് പ്രവർത്തകർ തമ്മിൽ സംഘർഷം. സംഘർഷത്തിൽ എസ്.എഫ്.ഐ നേതാവ് സനന്ത് കുമാർ, യൂത്ത് കോൺഗ്രസ് പ്രവർത്തകൻ റിജിൻ രാജ് എന്നിവരുൾപ്പെടെ നിരവധി പേർക്ക് പരിക്കേറ്റു.
യൂത്ത് കോൺഗ്രസ് ജില്ലാ കമ്മിറ്റി സ്ഥാപിച്ച ഫ്ലെക്സ് ബോർഡുകൾ എസ്.എഫ്.ഐ – ഡി.വൈ.എഫ്.ഐ പ്രവർത്തകർ തകർക്കാൻ ശ്രമിച്ചത് യൂത്ത് കോൺഗ്രസ് – കെ.എസ്.യു പ്രവർത്തകർ ചോദ്യം ചെയ്തതാണ് സംഘർഷത്തിന്റെ തുടക്കം. തുടർന്ന് ഇരുവിഭാഗവും നഗരത്തിൽ പ്രതിഷേധ പ്രകടനം നടത്തി. പ്രകടനത്തിനിടെ പ്രവർത്തകർ വീണ്ടും ഏറ്റുമുട്ടുകയും കല്ലേറുണ്ടാകുകയും ചെയ്തു. പരിക്കേറ്റവരെ കണ്ണൂരിലെ വിവിധ ആശുപത്രികളിൽ പ്രവേശിപ്പിച്ചു.
About The Author
