മതില് തകര്ത്ത് വീടിനു നേരെ കല്ലേറ്മൂന്ന് സി പി എം പ്രവർത്തകർക്കെതിരെ കേസ്
തളിപ്പറമ്പ്: കുറ്റ്യേരിയില് ബി ജെ പി പ്രചരണമെഴുതിയ വീട്ടു മതിൽ തകർത്ത് ബി ജെ പി പ്രവർത്തകൻ്റെ വീടിന് നേരെ കല്ലെറിഞ്ഞ് കൊല്ലുമെന്ന് ഭീഷണിപ്പെടുത്തുകയും ചെയ്ത സംഭവത്തിൽ മൂന്നു സി പി എം പ്രവർത്തകർക്കെതിരെ തളിപ്പറമ്പ് പോലീസ് കേസെടുത്തു . സി പി എം പ്രവർത്തകൻ കുറ്റ്യേരിയിലെ മേമടത്ത് ഷൈജുവിനും മറ്റു കണ്ടലാറിയാവുന്ന രണ്ടു പേർക്കുമെതിരെയാണ് പോലീസ് കേസെടുത്തത്. 17 ന് ശനിയാഴ്ച രാത്രി 11.45 മണിക്കായിരുന്നു സംഭവം. ബിജെ പി പ്രവർത്തകൻ
കുറ്റ്യേരി നടവയലിലെ പി പി രാധാകൃഷ്ണൻ്റെ പരാതിയിലാണ് കേസെടുത്തത്. വീട്ടു പറമ്പിൽ അതിക്രമിച്ചു കയറിയ പ്രതികൾ രാഷ്ട്രീയവിരോധം വെച്ച് ബൈക്കിലെത്തികൊല്ലുമെന്ന് ഭീഷണിപ്പെടുത്തുകയും കല്ല് കൊണ്ട് മുകൾനിലയിലെ കിടപ്പുമുറിയുടെ ജനൽഗ്ലാസ് എറിഞ്ഞു പൊളിക്കുകയും വീട്ടുമതിൽ പൊളിക്കുകയും ചെയ്തു. 70,000 രൂപയുടെ നഷ്ടം സംഭവിച്ചുവെന്ന പരാതിയിൽ കേസെടുത്ത പോലീസ് അന്വേഷണം തുടങ്ങി.
About The Author
