കല്യാണവീഡിയോ എടുക്കാനൊനെത്തിയ വീഡിയോഗ്രാഫറെ മർദ്ദിച്ച് 3 പവൻ്റെ മാല കവർന്നു
ശ്രീകണ്ഠാപുരം:കല്യാണ വീട്ടിൽ വീഡിയോ ചിത്രീകരിക്കാനെത്തിയ ഫോട്ടോഗ്രാഫറെ മർദ്ദിക്കുകയും കൊല്ലു ഭീഷണിപ്പെടുത്തുകയും കഴുത്തിലണിഞ്ഞ മൂന്നു പവൻ്റെ മാല തട്ടിയെടുക്കുകയും ചെയ്തുവെന്ന പരാതിയിൽ കണ്ടാലറിയാവുന്ന നാലുപേർക്കെതിരെ ശ്രീകണ്ഠാപുരം പോലീസ് കേസെടുത്തു. നടുവിൽ മണ്ഡളത്തെ വട്ടക്കേതകിടിയിൽ അലക്സ് തോമസിൻ്റെ (31) പരാതിയിലാണ് പോലീസ് നാലുപേർക്കെതിരെ കേസെടുത്തത്. ഇക്കഴിഞ്ഞ 11 ന് ഞായറാഴ്ച രാത്രി 8.15നാണ് സംഭവം ശ്രീകണ്ഠാപുരം കോട്ടുർവയലിലെ ജോയൽ എന്നയാളുടെ വീട്ടിൽ കല്യാണ വീഡിയോ എടുക്കാനെത്തിയ പരാതിക്കാരനെ സൗണ്ട് ബോക്സിൽ വെച്ച പാട്ടിൻ്റെ ശബ്ദം കുറക്കാൻ ആവശ്യപ്പെട്ട വിരോധത്തിൽ പ്രതികൾ കൈകൊണ്ട് മുഖത്തും നെഞ്ചിലും അടിക്കുകയും കഴുത്തിന് കുത്തി പരിക്കേൽപ്പിക്കുകയും കൊല്ലുമെന്ന് ഭീഷണിപ്പെടുത്തുകയും മർദ്ദനത്തിനിടെ കഴുത്തിലണിഞ്ഞ മൂന്നു പവൻ്റെ മാലനഷ്ടപ്പെട്ടുവെന്ന പരാതിയിലുമാണ് പോലീസ് കേസെടുത്തത്.
About The Author
