കെ.കെ. നാരായണന് നാളെ നാടിന്റെ വിടച്ചൊല്ലൽ; പൊതുദർശനം പെരളശ്ശേരിയിലും കണ്ണൂരിലും, സംസ്കാരം പയ്യാമ്പലത്ത് -

Spread the love

കണ്ണൂർ: അന്തരിച്ച മുൻ എം.എൽ.എയും സി.പി.ഐ (എം) നേതാവുമായ കെ.കെ. നാരായണന്റെ ഭൗതികദേഹം നാളെ (ബുധനാഴ്ച) പയ്യാമ്പലത്ത് സംസ്കരിക്കും. ഇന്ന് രാത്രി 8 മണിയോടെ മൃതദേഹം പെരളശ്ശേരി എടക്കടവിലെ വസതിയിൽ എത്തിക്കും.

നാളെ (31.12.25) നടക്കുന്ന പൊതുദർശനവും സംസ്കാരവും:

• 10:30 AM – 12:30 PM: പെരളശ്ശേരി എച്ച്.എസ്.എസ് സ്കൂളിൽ പൊതുദർശനം.

• 01:00 PM – 02:00 PM: താഴെചൊവ്വയിലെ സി.പി.ഐ (എം) എടക്കാട് ഏരിയാ കമ്മിറ്റി ഓഫീസിൽ പൊതുദർശനം.

• 02:30 PM – 04:00 PM: കണ്ണൂർ അഴീക്കോടൻ മന്ദിരത്തിൽ (സി.പി.ഐ എം ജില്ലാ കമ്മിറ്റി ഓഫീസ്) പൊതുദർശനം.

• തുടർന്ന്: പയ്യാമ്പലത്ത് ശവസംസ്കാരം നടക്കും.

നാടിന്റെ പ്രിയ നേതാവിന് അവസാനമായി ആദരമർപ്പിക്കാൻ നൂറുകണക്കിന് ആളുകൾ എത്തുമെന്നാണ് കരുതപ്പെടുന്നത്. എടക്കടവിലെ വസതിയിലും പൊതുദർശന കേന്ദ്രങ്ങളിലും വിപുലമായ ക്രമീകരണങ്ങൾ പാർട്ടി പ്രവർത്തകർ ഒരുക്കിയിട്ടുണ്ട്.