ഹാഷിഷ് ഓയിലുമായി യുവാവ് പിടിയിൽ
തലശ്ശേരി: ഹാഷിഷ് ഓയിൽ മയക്കുമരുന്നുമായി യുവാവിനെ എക്സൈസ് സംഘം പിടികൂടി. ആലപ്പുഴ വെൺമണി സ്വദേശി അമൽതോമസ് റെജി (24) യെയാണ് ന്യൂമാഹി എക്സൈസ് ചെക്ക്പോസ്റ്റിൽ വെച്ച് പിടികൂടിയത്.
അസിസ്റ്റന്റ് എക്സൈസ് ഇൻസ്പെക്ടർ ഷെനിത്ത് രാജും സംഘവുമാണ് പ്രതിയെ പിടികൂടിയത്. പ്രതിയിൽ നിന്ന് 1.5 ഗ്രാം ഹാഷിഷ് ഓയിൽ പിടിച്ചെടുത്തു. സിവിൽ എക്സൈസ് ഓഫീസർമാരായ ആദർശ് വി, സിനോജ് പി എന്നിവരും എക്സൈസ് സംഘത്തിൽ ഉണ്ടായിരുന്നു.
About The Author
