മുഴപ്പിലങ്ങാട് സ്വദേശിനി മരിയം ജോസിന്റെ 100-ാം ദിന ഹാഫ് മാരത്തൺ തൃശ്ശൂരിൽ
എടക്കാട്: തുടർച്ചയായി 99 ദിവസമായി ഹാഫ് മാരത്തൺ നടത്തി ശ്രദ്ധനേടിയ റിട്ട. എസ്ഐ മരിയം ജോസ് (മുഴപ്പിലങ്ങാട്), തിങ്കളാഴ്ച പുലർച്ചെ 4.15-ന് തൃശ്ശൂർ തെക്കെ ഗോപുരനടയിൽ 100-ാം ദിന ഓട്ടം ആരംഭിക്കും.
ജൂലൈയിൽ മുഴപ്പിലങ്ങാട്ട് നിന്ന് തലശ്ശേരിയിലേക്കും തിരിച്ചും ഓടി ആരംഭിച്ച ഈ യാത്ര കേരളത്തിൻറെ വിവിധ ജില്ലകളിലൂടെയും ഗോവ, കന്യാകുമാരി വരെയും വ്യാപിച്ചു.
32 വർഷത്തെ പോലീസ് സേവനത്തിന് ശേഷം വിരമിച്ച മരിയം, “വിരമിച്ചാലും ജീവിതം നിശ്ചലമാകരുത്” എന്ന ആത്മവിശ്വാസവുമായി മുന്നേറുകയാണ്.
99-ാം ദിന ഓട്ടം മുഴപ്പിലങ്ങാട് ബീച്ചിൽ തീരദേശ പോലീസ് ഇൻസ്പെക്ടർ പി. ശ്രീകുമാർ ഫ്ളാഗ് ഓഫ് ചെയ്തു.
പഞ്ചായത്ത് പ്രസിഡന്റ് ടി. സജിത ഉദ്ഘാടനം ചെയ്തു. വി. പ്രഭാകരൻ, ഒ.കെ. അമീർ, പി. ആദിത്യൻ, പി. ഷാജി എന്നിവർ സംസാരിച്ചു.
About The Author
