രമേശ് ചെന്നിത്തല പയ്യന്നൂരിലെത്തി എം. നാരായണൻ കുട്ടിയുടെ ഭവനം സന്ദർശിച്ചു.
പയ്യന്നൂർ. അന്തരിച്ച കോൺഗ്രസ് നേതാവ് പയ്യന്നൂരിലെ എം.നാരായണൻ കുട്ടിയുടെ വീട് രമേശ് ചെന്നിത്തല സന്ദർശിച്ചു. ഇന്ന് രാവിലെ 8 മണിയോടെയാണ് അദ്ദേഹം പയ്യന്നൂരിലെ വീട്ടിലെത്തിയത്. എം. നാരായണൻ കുട്ടിയുടെ കുടുംബങ്ങളെ കണ്ട് ദുഃഖത്തിൽ പങ്കുചേർന്നാണ് അദ്ദേഹം തിരിച്ചു പോയത്. തുടർന്ന് പയ്യന്നൂർ ശ്രീനാരായണ വിദ്യാലയത്തിലെ അന്തേവാസികളായ വിദ്യാർത്ഥികൾക്കൊപ്പം പ്രഭാത ഭക്ഷണം കഴിച്ചു. കെ.എസ്.യു. നേതാവായിരുന്ന സജിത് ലാൽ മന്ദിരവും അദ്ദേഹം സന്ദർശിച്ചു. എൻ.ജി ഒ അസോസിയേഷൻ ഭാരവാഹിയായിരുന്ന അന്തരിച്ച അന്നൂരിലെസി.കെ. പ്രദീപ് കുമാറിൻ്റെ മൃതദേഹത്തിൽ ആദരാഞ്ജലികൾ അർപ്പിച്ച ശേഷമാണ് അദ്ദേഹം തിരിച്ചു പോയത്. കോൺഗ്രസ് നേതാക്കളായ അഡ്വ. സജീവ് ജോസഫ്, കെ.ജയരാജ്, എ.പി. നാരായണൻ, എം.പി. ഉണ്ണികൃഷ്ണൻ, അഡ്വ. ഡി.കെ. ഗോപിനാഥ്, അഡ്വ. കെ. ബ്രിജേഷ് കുമാർ, കച്ചേരി രമേശൻ, അർജ്ജുൻ കോറോം, കെ പി മോഹനൻ എന്നിവർ അദ്ദേഹത്തോടൊപ്പമുണ്ടായിരുന്നു.
About The Author
