വിവാഹ വാഗ്ദാനം നൽകി യുവതിയെ പീഡിപ്പിച്ച പ്രതി അറസ്റ്റിൽ
പയ്യന്നൂർ. വിവാഹ വാഗ്ദാനം നൽകി യുവതിയെ പയ്യന്നൂരിലെ ലോഡ്ജ് മുറിയിലെത്തിച്ച് പീഡിപ്പിച്ച കാഞ്ഞങ്ങാട് സ്വദേശി പിടിയിൽ.കാഞ്ഞങ്ങാട് അജാനൂർ സ്വദേശി അജ്മലിനെ (28)യാണ് ഇൻസ്പെക്ടർ കെ.പി.ശ്രീഹരി ബലാത്സംഗ കേസിൽ അറസ്റ്റു ചെയ്തത്.ഇക്കഴിഞ്ഞമെയ് മാസത്തിലാണ് പരാതിക്കാസ് പദമായ സംഭവം.രാമന്തളി ഗ്രാമപഞ്ചായത്തിലെ വിദ്യാർത്ഥിനിയായ 19 കാരിയെയാണ് പ്രതി പീഡിപ്പിച്ചത്. പറശിനിക്കടവ് വിസ്മയ പാർക്കിൽ വെച്ച് പരിചയപ്പെട്ട യുവതിയുമായി സൗഹൃദത്തിലായ കാഞ്ഞങ്ങാട്ടെ സ്വകാര്യ സ്ഥാപനത്തിൽ ജോലി ചെയ്യുന്ന പ്രതി പിന്നീട് വിവാഹ വാഗ്ദാനം നൽകി യുവതിയെ പയ്യന്നൂർ നഗരത്തിലെ ലോഡ്ജിൽ വിളിച്ചു വരുത്തി പീഡിപ്പിക്കുകയായിരുന്നു. യുവാവ് വിവാഹ വാഗ്ദാനത്തിൽ നിന്നും പിന്മാറിയതോടെ യുവതി പയ്യന്നൂർ പോലീസിൽ പരാതി നൽകി. മൊഴിയുടെ അടിസ്ഥാനത്തിൽ കേസെടുത്ത പയ്യന്നൂർ പോലീസ് പ്രതിയെ കാഞ്ഞങ്ങാട് വെച്ച് കസ്റ്റഡിയിലെടുത്തു. അറസ്റ്റു ചെയ്തു കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
About The Author
