വിഭജന ഭീതിയുടെ ഓർമ്മദിനം ; ഡിവൈഎഫ്ഐ ഉത്തരവിന്റെ കോപ്പി കത്തിച്ച് പ്രതിഷേധിച്ചു.
കണ്ണൂർ: ആഗസ്ത് 14 ന് കേരളത്തിലെ സർവകലാശാലകളിൽ വിഭജന ഭീതിയുടെ ഓർമ്മദിനമായി ആചരിക്കാനുള്ള ചാൻസിലറുടെ ഉത്തരവിനെതിരെ ഡിവൈഎഫ്ഐ ഉത്തരവിന്റെ കോപ്പി കത്തിച്ച് പ്രതിഷേധിച്ചു. ഇന്നലെയാണ് ചാൻസിലർ കൂടിയായ ഗവർണർ വിശ്വനാഥ് ആർലേക്കർ എല്ലാ സർവകലാശാല വൈസ് ചാൻസലർമാർക്കർക്കും ഓർമ്മദിനമായി ആചരിക്കാനുള്ള ഇ-മെയിൽ സന്ദേശം അയച്ചത്. ഡി വൈ എഫ് ഐ കണ്ണൂർ ജില്ലാ കമ്മിറ്റി കണ്ണൂർ കെഎസ്ആർടിസി പരിസരത്ത് നടന്ന പ്രതിഷേധം ഡിവൈഎഫ്ഐ സംസ്ഥാന സെക്രട്ടറി വി കെ സനോജ് ഉദ്ഘാടനം ചെയ്തു. ജില്ലാ പ്രസിഡണ്ട് മുഹമ്മദ് അഫ്സൽ അധ്യക്ഷനായി.ജില്ലാ സെക്രട്ടറി അഡ്വ. സരിൻ ശശി സ്വാഗതം പറഞ്ഞു. എം വി ഷിമ, എ പി അൻവീർ , പി എം അഖിൽ, എം ശ്രീരാമൻ, കിരൺ കരുണാകരൻ തുടങ്ങിയവർ നേതൃത്വം നൽകി
About The Author
