വി. കുഞ്ഞികൃഷ്ണനെതിരെ സി.പി.എം ജില്ലാ കമ്മിറ്റിയിൽ രൂക്ഷവിമർശനം
കണ്ണൂർ: പയ്യന്നൂരിലെ ഫണ്ട് വിവാദവുമായി ബന്ധപ്പെട്ട് വി. കുഞ്ഞികൃഷ്ണനെതിരെ സി.പി.എം കണ്ണൂർ ജില്ലാ കമ്മിറ്റിയിൽ രൂക്ഷവിമർശനം. കുഞ്ഞികൃഷ്ണനെ ജില്ലാ കമ്മിറ്റിയിൽ ഉൾപ്പെടുത്തിയതിനെതിരെയാണ് യോഗത്തിൽ പ്രധാനമായും വിമർശനം ഉയർന്നത്. അദ്ദേഹത്തിന് ലഭിച്ച താരപരിവേഷത്തിന് കാരണം ജില്ലാ കമ്മിറ്റി അംഗമെന്ന ലേബലാണെന്നും യോഗം വിലയിരുത്തി.
രക്തസാക്ഷി ഫണ്ടിൽ യാതൊരുവിധ കൃത്രിമവും നടന്നിട്ടില്ലെന്ന് ആവർത്തിച്ച കമ്മിറ്റി, ഈ വിഷയത്തിൽ ഇനി കൂടുതൽ ചർച്ചകൾ വേണ്ടെന്നും തീരുമാനിച്ചു. കുഞ്ഞികൃഷ്ണനെ പാർട്ടിയിൽ നിന്ന് പുറത്താക്കാനുള്ള തീരുമാനം ജില്ലാ കമ്മിറ്റി ഏകകണ്ഠമായി അംഗീകരിച്ചു. വിഭാഗീയ പ്രവർത്തനങ്ങളും പാർട്ടിയുടെ അച്ചടക്കം ലംഘിക്കുന്ന രീതിയിലുള്ള നീക്കങ്ങളും അനുവദിക്കാനാവില്ലെന്ന കർശന നിലപാടിലാണ് നേതൃത്വം.
About The Author
