അഴീക്കോട് പണ്ടാരത്തുംകണ്ടി പുതിയഭഗവതി ക്ഷേത്രത്തിൽ തിറയുത്സവത്തിന് തുടക്കമായി
അഴീക്കോട്: അഴീക്കോട് പണ്ടാരത്തുംകണ്ടി പുതിയഭഗവതി ക്ഷേത്രത്തിൽ തിറയുത്സവത്തിന് ഭക്തിനിർഭരമായ തുടക്കം. ക്ഷേത്രം തന്ത്രി കാട്ടുമാടം ഇളയടത്ത് ഈശാനൻ നമ്പൂതിരിപ്പാടിന്റെ മുഖ്യകാർമികത്വത്തിൽ പ്രതിഷ്ഠാദിന കർമ്മങ്ങളും മഹാഗണപതി ഹോമവും നടന്നു. ഉത്സവത്തോടനുബന്ധിച്ച് ക്ഷേത്രത്തിൽ പുതുതായി നിർമ്മിച്ച നടപ്പന്തലിന്റെ സമർപ്പണവും ചടങ്ങിൽ നിർവ്വഹിച്ചു.
ഇന്ന് (ബുധൻ) രാവിലെ 10 മണിക്ക് വിവിധ തിറകളുടെ തോറ്റം ആരംഭിച്ചു. തുടർന്ന് തമ്പുരാട്ടിയുടെ നാട് വലംവയ്ക്കൽ ചടങ്ങും നടന്നു. രാത്രി 7 മണിക്ക് ഭക്തജനങ്ങൾക്കായി പ്രസാദസദ്യ ഒരുക്കിയിട്ടുണ്ട്. ഉത്സവത്തിന്റെ പ്രധാന ചടങ്ങുകൾ നാളെയും തുടരും. നാളെ രാവിലെ 10 മണി മുതൽ വിവിധ തെയ്യക്കോലങ്ങൾ ഭക്തർക്ക് മുൻപിൽ ആടിയെത്തും.
About The Author
