മാഹി ബൈപ്പാസിൽ വാഹനാപകടം: യുവാവ് മരിച്ചു
മയ്യഴി: മാഹി ബൈപ്പാസിൽ തലശ്ശേരി മാടപ്പീടികയ്ക്ക് സമീപമുണ്ടായ വാഹനാപകടത്തിൽ യുവാവ് മരിച്ചു. വടകര മണിയൂർ മുടത്തിലാവിൽ മണ്ടാരത്തോട് മീത്തലെ വണ്ണേരി വീട്ടിൽ അഖിലാ (30) ണ് മരിച്ചത്. ഞായറാഴ്ച പുലർച്ചെ അഞ്ചു മണിയോടെയായിരുന്നു അപകടം.
അഖിൽ സഞ്ചരിച്ചിരുന്ന ഇരുചക്രവാഹനവും ആന്ധ്രയിൽ നിന്നുള്ള അയ്യപ്പഭക്തർ സഞ്ചരിച്ച വാഹനവും തമ്മിൽ കൂട്ടിയിടിക്കുകയായിരുന്നു. അപകടം നടന്ന ഉടൻ തന്നെ ന്യൂമാഹി പോലീസ് സ്ഥലത്തെത്തി തുടർനടപടികൾ സ്വീകരിച്ചു. പ്രശസ്തനായ ഒരു വാദ്യകലാകാരൻ കൂടിയായിരുന്നു മരിച്ച അഖിൽ.
പരേതനായ മോഹനന്റെയും പരേതയായ രാധയുടെയും മകനാണ്.
ഭാര്യ: ശ്യാമിലി.
മകൻ: ആദിഖ്.
സഹോദരങ്ങൾ: സിഖിൻ, രമ്യ.
About The Author
