ക്രിസ്മസ് കരോളിന് പടക്കം പൊട്ടിച്ചതിന് മർദ്ദനം ഏഴുപേർക്കെതിരെ കേസ്
എടക്കാട് : ക്രിസ്മസ് കരോളിൻ്റെ ഭാഗമായി കുട്ടികൾ റോഡരികിൽ വെച്ച് പടക്കം പൊട്ടിച്ച വിരോധത്തിൽ മർദ്ദിക്കുകയും കല്ലുകൊണ്ട് എറിഞ്ഞു പരിക്കേൽപ്പിക്കുകയും ചെയ്തുവെന്ന പരാതിയിൽ ഏഴു പേർക്കെതിരെ എടക്കാട് പോലീസ് കേസെടുത്തു. ചാല ഈസ്റ്റിലെ കെ ശ്രീ നന്ദിൻ്റെ പരാതിയിലാണ് ചെമ്പിലോട് ചൂളയിലെ സാബു, നിഖിൽ, ഡിപിൻ, നിഥിൻ,എന്നിവർക്കും മറ്റു കണ്ടാലറിയാവുന്ന മൂന്നു പേർക്കുമെതിരെ പോലീസ് കേസെടുത്തത്. 23 ന് രാത്രി 8 മണിക്കാണ് പരാതിക്കാസ്പദമായ സംഭവം. കോയോട് ചൂളവെങ്കിലോട് വായനശാലയ്ക്ക് സമീപം വെച്ച് ക്രിസ്മസ് കരോളിൻ്റെ ഭാഗമായി റോഡരികിൽ വെച്ച് പടക്കം പൊട്ടിക്കുന്നതിനിടെ പരാതിക്കാരനെയും സുഹൃത്തുക്കളായ അനുഗ്രഹ്, രാജ്ശേഖർ, ദേവനന്ദ് എന്നിവരെ പ്രതികൾ തടഞ്ഞുവെച്ച് കൈ കൊണ്ടും മുഖത്തും പുറത്തും അടിക്കുകയും കല്ലുകൊണ്ട് എറിഞ്ഞ് പരിക്കേൽപ്പിക്കുകയും ചെയ്തുവെന്ന പരാതിയിലാണ് കേസെടുത്തത്.
About The Author
