മാഹിമദ്യം ഉപേക്ഷിച്ച നിലയിൽ കണ്ടെത്തി -

തളിപ്പറമ്പ്: ഓണം സ്പെഷ്യൽ ഡ്രൈവിന്റെ ഭാഗമായി തളിപ്പറമ്പ് എക്സൈസ് റേഞ്ച് അസിസ്റ്റന്റ് എക്സൈസ് ഇൻസ്‌പെക്ടർ അഷ്‌റഫ് മലപ്പട്ടത്തിന്റെ നേതൃത്വത്തിൽ നടത്തിയ പരിശോധനയിൽ വെള്ളാരംപാറ ബൂസ്വിറിയ ഗാർഡനിൽ ഉടമസ്ഥനില്ലാതെ സൂക്ഷിച്ചിരുന്ന പുതുച്ചേരി (മാഹി) മദ്യം 27 കുപ്പി (13.5 ലിറ്റർ) കണ്ടെത്തി.

ഓണം വിപണി ലക്ഷ്യമാക്കി കൊണ്ടുവന്ന മദ്യം എക്സൈസ് ഉദ്യോഗസ്ഥരെ കണ്ടപ്പോഴാണ് ഉപേക്ഷിച്ചതാകാമെന്നാണു സംശയം. പ്രതിയെക്കുറിച്ച് വ്യക്തമായ സൂചനകൾ ലഭിച്ചിട്ടുണ്ടെന്ന് അധികൃതർ അറിയിച്ചു.

പരിശോധനയിൽ ഗ്രേഡ് പ്രിവന്റീവ് ഓഫീസർമാരായ നികേഷ്, ഫെമിൻ, വനിത സിവിൽ എക്സൈസ് ഓഫീസർ സുജിത എൻ എന്നിവർ പങ്കെടുത്തു.