പോക്സോ കേസിൽ മോട്ടിവേഷൻ സ്പീക്കർ അറസ്റ്റിൽ
ഇരിട്ടി : കൗൺസിലിംഗിനായി എത്തിയ 17കാരിയെ പീഡിപ്പിക്കാൻ ശ്രമിച്ചെന്ന പരാതിയിൽ മോട്ടിവേഷണൽ സ്പീക്കറെ മുഴക്കുന്ന് പോലീസ് അറസ്റ്റ് ചെയ്തു. മുഴക്കുന്ന് എടത്തൊട്ടി കൊട്ടയാട് കുന്നത്ത് വീട്ടിൽ കെ.സി. ഷാജു (59) ആണ് പിടിയിലായത്. പോക്സോ നിയമപ്രകാരം കേസെടുത്ത പോലീസ് പ്രതിയെ മട്ടന്നൂർ കോടതിയിൽ ഹാജരാക്കി റിമാൻഡ് ചെയ്തു.
നാല് മാസങ്ങൾക്ക് മുൻപാണ് കേസിനാസ്പദമായ സംഭവം നടന്നത്. പഠന – വ്യക്തിത്വ വികസനവുമായി ബന്ധപ്പെട്ട കൗൺസിലിംഗിനായി എത്തിയ 17കാരിയോട് പ്രതി മോശമായ രീതിയിൽ പെരുമാറി എന്നാണ് പരാതി. ഹയർ സെക്കൻഡറി സ്കൂളിലെ മുൻ പ്രിൻസിപ്പൽ കൂടിയാണ് ഷാജു. വിരമിച്ചതിന് ശേഷം ഹയർ സെക്കൻഡറി വകുപ്പിന്റെ കരിയർ ഗൈഡൻസ് ആൻഡ് അഡോളസന്റ് കൗൺസലിങ് സ്റ്റേറ്റ് ഫാക്കൽറ്റിയായി പ്രവർത്തിച്ചു വരികയായിരുന്നു. കണ്ണൂർ ജില്ലയിൽ വിദ്യാഭ്യാസവകുപ്പിന്റെ ഭാഗമായി ബോധവത്കരണ ക്ലാസുകളും കൗൺസിലിംഗും നടത്തിയിരുന്നു. കേസുമായി ബന്ധപ്പെട്ട കൂടുതൽ അന്വേഷണം നടത്തി വരികയാണെന്നും പോലീസ് അറിയിച്ചു.
About The Author
