പയ്യാവൂർ നെയ്യമൃത് സമർപ്പണം: മഠത്തുംപടി സംഘം പുറപ്പെട്ടു
പയ്യന്നൂർ : കൊക്കാനിശ്ശേരി മഠത്തുംപടി സുബ്രഹ്മണ്യ സ്വാമി ക്ഷേത്രത്തിൽ അറുപത്തിരണ്ട് വർഷങ്ങൾക്ക് ശേഷം നടക്കുന്ന കളിയാട്ട മഹോത്സവത്തിൻ്റെ മുന്നോടിയായുള്ള പയ്യാവൂർ നെയ്യമൃത് സമർപ്പണത്തിനായി മഠത്തുംപടി നെയ്യമൃത് സംഘം യാത്ര തിരിച്ചു. വാദ്യഘോഷത്തിൻ്റെ അകമ്പടിയോടെ ക്ഷേത്രത്തിൽവാൾ എഴുന്നെള്ളത്തും കുഴിയടുപ്പിൽ കനലാട്ടവും നടന്നു.
വർഷങ്ങൾക്ക് ശേഷം നടക്കുന്ന അതിവിശിഷ്ടമായ ചടങ്ങുകൾക്ക് സാക്ഷ്യം വഹിക്കാൻ നിരവധി ഭക്തജനങ്ങളാണ് ക്ഷേത്രത്തിൽ എത്തിച്ചേർന്നത്.
മകരം 25 ന് വ്രതം തുടങ്ങിയ സംഘാംഗങ്ങൾ കുംഭ സംക്രമ ദിവസം കലശം കുളിച്ച് മ oത്തിൽ കയറി. കുംഭം 8 ന് കലശം കുളിച്ച് നെയ്യ് നിറച്ച് ക്ഷേത്രത്തിൽ നെയ്യാട്ട് നടത്തി. നാലു പേരടങ്ങുന്ന സംഘം പയ്യാവൂരിലേക്ക് യാത്ര തിരിച്ചു. എള്ളരഞ്ഞിയിൽ താമസിച്ച സംഘം ഇന്നു രാവിലെ പയ്യാവൂരിലെത്തി നെയ്യ് ഒപ്പിക്കും. തിങ്കളാഴ്ചയാണ് പയ്യാവൂരിൽ നെയ്യാട്ടം. ഉച്ചയ്ക്ക് കുഴിയടുപ്പിൽ കനലാട്ടം , അടീലൂണ് എന്നിവയ്ക്ക് ശേഷം സംഘം വെകീട്ടോടെ ക്ഷേത്രത്തിൽ തിരിച്ചെത്തും.
About The Author
