കണ്ണൂരില്‍ എടിഎം തകര്‍ത്ത് വന്‍ കവര്‍ച്ച

കണ്ണൂര്‍: മാങ്ങാട് ദേശീയപാതയോരത്തെ ഫെഡറല്‍ ബാങ്കിന്റെ കീഴിലുള്ള ഇന്‍ഡ്യ വണ്‍ എ ടി എം കൗണ്ടര്‍ തകര്‍ത്ത് കവര്‍ച്ച. ഗ്യാസ് കട്ടര്‍ ഉപയോഗിച്ചാണ് എ ടി എം മെഷീന്‍ തകര്‍ത്തിരിക്കുന്നത്. എത്ര പണമാണ് നഷ്ടപ്പെട്ടരിക്കുന്നതെന്ന് ഉദ്യോഗസ്ഥര്‍ പരിശോധിച്ച് വരികയാണ്. വളരെ കുറച്ച് തുക മാത്രം നിക്ഷേപിക്കുന്ന പതിവുള്ള ഇവിടെ 21 ന് അറുപതിനായിരം രൂപയാണ് നിക്ഷേപിച്ചതെന്ന് ഉദ്യോഗസ്ഥര്‍ പറഞ്ഞു.
ഇന്ന് രാവിലെ 8 മണിയോടെ കെട്ടിട ഉടമ എ ടി എമ്മിന്റെ ഷട്ടര്‍ പകുതി തുറന്ന നിലയില്‍ കണ്ടതിനാല്‍ സംശയം തോന്നി ബാങ്ക് ഉദ്യോഗസ്ഥരെ വിവരം ധരിപ്പിക്കുകയായിരുന്നു.ഇവര്‍ പോലീസിനെ വിവരം അറിയിച്ചതിന് ശേഷം നടത്തിയ പരിശോധനയിലാണ്കവര്‍ച്ച ബോധ്യപ്പെട്ടത്. ഇന്നലെ രാത്രി 11 മണിക്ക് ഒരു നാഷണല്‍ പര്‍മിറ്റ് ലോറി സംശയാസ്പദ സാഹചര്യത്തില്‍ എ ടി എമ്മിന് മുന്നില്‍ വളരെ നേരം നിര്‍ത്തിയിട്ടതായി ചിലര്‍ പോലീസില്‍ അറിയിച്ചിട്ടുണ്ട്.
പ്രതികള്‍ക്കായി എ ടി എം കൗണ്ടറിന് മുകളിലുള്ള പാപ്പിനിശ്ശേരി കോ-ഓപ്പറേറ്റീവ് ബേങ്കിന്റെ സി സി ടി വി സി ഐ എം കൃഷ്ണന്റെ നേതൃത്വത്തിലുള്ള പോലീസ് സംഘം പരിശോധിച്ചുവരികയാണ്. ഫോറന്‍സിക് ഫിംഗര്‍ പ്രിന്റ് വിദഗ്ധരും തെളിവെടുത്തു.

Advertisements

Leave a Reply

This site uses Akismet to reduce spam. Learn how your comment data is processed.