നിയന്ത്രണം വിട്ട ബൈക്ക് വൈദ്യുത തൂണിലിടിച്ച് തലശേരിയിൽ യുവാവ് മരിച്ചു

കണ്ണൂർ: നിയന്ത്രണം വിട്ട ബൈക്ക് വൈദ്യുത തൂണിലിടിച്ച് തലശേരിയിൽ യുവാവ് മരിച്ചു. പുന്നോൽ താഴെ വയലിലെ ലീലാ മാധവം വീട്ടിൽ എം. അഖിലേഷ് (23) ആണ് മരിച്ചത്.ഇന്നലെ രാത്രി 9.30 ഓടെയാണ് സംഭവം. മാഹിയിൽ നിന്നും തലശേരിയിലേക്ക് പോകുന്ന വഴിയിൽ പുന്നോൽ പെട്ടിപ്പാലം കോളനിക്കടുത്ത് വെച്ചാണ് അപകടം. അഖിലേഷ് ഓടിച്ചിരുന്ന കെ എൽ 58 ആർ 5649 നമ്പർ പൾസർ ബൈക്ക് വൈദ്യുത തൂണിലിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ ഇയാളെ തലശേരി സഹകരണാശുപത്രിയിലും തുടർന്ന് കണ്ണൂർ സ്വകാര്യാശുപത്രിയിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അഖിലേഷ് പെയിന്റിംഗ് തൊഴിലാളിയാണ്. പോസ്റ്റ്മോർട്ടത്തിന് ശേഷം ഉച്ചകഴിഞ്ഞ് ശവസംസ്ക്കാരം നടക്കും. അജയൻ – ശോഭ ദമ്പതികളുടെ മകനാണ്.
സഹോദരി: ഐശ്വര്യ.

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: