പുതിയ ജില്ലാ പൊലീസ് മേധാവിക്ക് ഗംഭീര സ്വീകരണം

പുതിയ ജില്ലാ പൊലീസ് മേധാവിയായി മുൻ മലപ്പുറം എസ്പി പ്രതീഷ് കുമാർ ചുമതലയേറ്റു.ഇന്നലെ രാത്രി പത്തോടെ ജില്ലാ പൊലീസ് ആസ്ഥാനത്തെത്തിയ പ്രതീഷ്കുമാറിനു സ്ഥാനമൊഴിയുന്ന കണ്ണൂർ എസ്പി ജി. ശിവവിക്രം ചുമതല കൈമാറി.സൗമ്യമെങ്കിലും കർക്കശം; ജില്ലയിലെ പ്രത്യേക രാഷ്ട്രീയ സാഹചര്യത്തിൽ വിവാദങ്ങൾക്കു കളം നൽകാതെ രണ്ടര വർവർഷം പൂർത്തിയാക്കി സ്ഥാനമൊഴിയുന്ന ശിവവിക്രമിനെ അങ്ങനെ വിശേഷിപ്പിക്കാം. ശുഹൈബ് വധക്കേസ് അടക്കം കോളിളക്കമുണ്ടാക്കിയ രാഷ്ട്രീയ കൊലപാതകങ്ങൾ, ലോക്സഭാ തിരഞ്ഞെടുപ്പ് തുടങ്ങി സംഘർഷ സാധ്യതയുള്ളിടത്തെല്ലാം കൃത്യമായ മുന്നൊരുക്കത്തോടെ ക്രമസമാധാനം നിലനിർത്തി ഇദ്ദേഹത്തിന്റെ നേതൃത്വത്തിൽ സേന.മുൻ എസ്പി മനോജ് എബ്രഹാം കഴിഞ്ഞാൽ ഏറ്റവും കൂടുതൽ കാലം കണ്ണൂരിൽ നിന്ന പൊലീസ് മേധാവിയാണു ശിവവിക്രം. കോയത്തൂർ തിരുപ്പൂർ സ്വദേശിയായ ശിവവിക്രം ഇനി പാലക്കാട് ജില്ലാ പൊലീസ് മേധാവിയാകും.നക്സൽ വിരുദ്ധ സേനയുടെ പ്രത്യേക പരിശീലനം നേടിയാണു 2011 ബാച്ചിലെ ഐപിഎസ് ഉദ്യോഗസ്ഥനായ പ്രതീഷ് കുമാർ ജില്ലാ പൊലീസ് മേധാവിയായി ചുമതലയേൽക്കുന്നത്. മലപ്പുറം തിരൂരിൽ എഎസ്പിയായാണ് ആദ്യ നിയമനം. പാലക്കാടും മലപ്പുറത്തും ജില്ലാ പൊലീസ് മേധാവിയായി. ഉത്തർപ്രദേശ് സ്വദേശിയാണ്.

Advertisements

Leave a Reply

This site uses Akismet to reduce spam. Learn how your comment data is processed.