ഡോക്ടറുടെ വീട്ടിൽ നിന്നും അറുപത്ത് പവനോളം സ്വർണ്ണം കവർന്ന വീട്ട് വേലക്കാരി പിടിയിൽ

കണ്ണൂർ: ജോലി ചെയ്യുന്ന ഡോക്ടറുടെ വീട്ടിൽ നിന്നും 60 പവനോളം സ്വർണ്ണാഭരണങ്ങൾ മോഷ്ടിച്ച യുവതി അറസ്റ്റിൽ. കൊറ്റാളി സ്വദേശിനി റിൻഷ (29)നെയാണ് ടൗൺ എസ്.ഐ ശ്രീജിത്ത് കൊടെരി അറസ്റ്റ് ചെയ്തത്.സെന്റ്’ മൈക്കിൾസ് സ്കൂളിന് പുറക് വശം മൂന്നാംപീടികയിൽ താമസിക്കുന്ന അഞ്ചര കണ്ടി മെഡിക്കൽ കോളെജിലെ അനസ്ത്യേഷ്യ ഡോക്ടർ റോഷന്റെ വീട്ടിലെ അലമാരയിൽ സൂക്ഷിച്ച സ്വർണ്ണാഭരണങ്ങളാണ് കഴിഞ്ഞ മെയ് മാസം മുതൽ വിവിധ സമയങ്ങളിലായി റിൻഷ മോഷ്ടിച്ചത്

കഴിഞ്ഞ ദിവസം ഡോക്ടറും കുടുംബവും വിവാഹത്തിന് പോകുമ്പോൾ അണിയാൻ വേണ്ടി അലമാര പരിശോധിച്ചപ്പോഴാണ് ആഭരണങ്ങൾ നഷ്ട്ടപ്പെട്ടതായി മനസിലായത്.തുടർന്ന് ഇന്നലെ ടൗൺ പോലീസിൽ പരാതി നൽകുകയായിരുന്നു. തുടർന്ന് വേലക്കാരിയെ വിളിച്ച് കാര്യ ചോദിച്ചപ്പോൾ കുറ്റം നിഷേധിക്കുകയും പിന്നിട് ജോലി വരാതിരിക്കുകയും ചെയ്തു .വേലക്കാരിയെ കസ്റ്റഡിയിൽ എടുത്ത് ചോദ്യം ചെയ്തപ്പോഴാണ് മോഷണം നടത്തിയത് താനാണെന്ന് സമ്മതിച്ചത്. ഒരു വർഷമായി വീട്ടിൽ ഈ ജോലിചെയ്യുന്ന ഇവർ വിൽപ്പന നടത്തിയ മോഷ്ടിച്ച സ്വർണ്ണാഭരണങ്ങൾ നഗരത്തിലെ വിവിധ ജ്വല്ലറികളിൽ നിന്ന് കണ്ടെടുത്തു.പ്രതിയെ ഇന്ന് കോടതിയിൽ ഹാജരാക്കും.

Leave a Reply

This site uses Akismet to reduce spam. Learn how your comment data is processed.

%d bloggers like this: