തലശ്ശേരി ഓട്ടോ ഡ്രൈവറെ കൊലപ്പെടുത്തിയ കേസിലെ പ്രതി പി.ടി.ടോമിക്ക് ജീവപര്യന്തം തടവും പിഴയും

തലശ്ശേരി – ഓട്ടോ ഡ്രൈവറെ കൊലപ്പെടുത്തിയ കേസില്‍ വിധി പ്രഖ്യാപിച്ചു. ആറളം അയ്യൻകുന്നിലെ ഓട്ടോ ഡ്രൈവർ ചക്കും തൊടി വീട്ടിൽ പി.കെ.രാമചന്ദ്രനെ (46) സൂത്രത്തിൽ വിളിച്ചു കൊണ്ടുപോയി ചെളിവെള്ളത്തിൽ തല മുക്കിപ്പിടിച്ച് ശ്വാസം മുട്ടിക്കുകയും കാട്ട് കല്ല് കൊണ്ട് തലക്കടിച്ച് മരണം ഉറപ്പാക്കുകയും ചെയ്തുവെന്ന കേസിൽ രാമചന്ദ്രന്റെ ഉറ്റ സുഹൃത്തായിരുന്ന ആറളം മാങ്ങോട്ടെ പണ്ടാര പറമ്പിൽ തോമസിന്റെ മകൻ പി.ടി.ടോമിക്ക് (50) ജീവപര്യന്ത
വും പുറമെ 7 വർഷം തടവും 60,000 രൂപ പിഴയും ശിക്ഷ’ – പ്രതി പിഴയടച്ചാൽ തുകയിൽ നിന്ന് 50,000 രൂപ കൊല്ലപ്പെട്ട രാമചന്ദ്രന്റെ വിധവയ്ക്ക്
നൽകണം. പിഴ അടച്ചില്ലെങ്കിൽ ആറ് മാസം അധിക തടവ് അനുഭവിക്കണമെന്ന് തലശ്ശേരി മൂന്നാം അഡിഷണൽ ജില്ലാ സെഷൻസ് ജഡ്ജ് വി.എസ്.വിദ്യാധരൻ വിധിച്ചു. ദൃക്സാക്ഷികളില്ലാത്ത കേസിൽ സാഹചര്യ തെളിവുകളുടെയും ശാസ്ത്രിയ തെളിവുകളുടെയും അടിസ്ഥാനത്തിൽ പ്രതി ടോമി കുറ്റം ചെയ്തതായി ഇക്കഴിഞ്ഞ ശനിയാഴ്ച കോടതി വിധിച്ചിരുന്നു. ടോമിയുടെ ഭാര്യയുമായി രാമചന്ദ്രന് അവിഹിത ബന്ധമുണ്ടെന്നുള്ള സംശയവും തന്നെ അപായപ്പെടുത്താൻ നേരത്തെ ടോമി തോക്കിന്റെ പാത്തി കൊണ്ട് അടിച്ചു തായി രാമചന്ദ്രൻ നാട്ടിൽ പറഞ്ഞു പരത്തിയെന്നതിന്റെ വൈരാഗ്യവുമാണ് കൊല നടത്താൻ പ്രേരണയായതെന്നാണ് പ്രോസിക്യൂഷൻ തെളിയിച്ചത്.2011 സപ്ത ബർ 15ന് രാത്രി 8 നും 16 ന് രാത്രി 7നും ഇടയിലായിരുന്നു സംഭവം. പിറ്റേന്നാൾ റോഡിൽ മരിച്ചു കിടക്കുന്ന നിലയിലാണ് മൃതദേഹം കാണപ്പെട്ടത്.എസ്റ്റേറ്റിലെ
ടാപ്പിംഗ് തൊഴിലാളി ആറളം പുതിയങ്ങാട്ടെ തിയ്യാർ വീട്ടിൽ റസാഖിന്റെ പരാതിയിലാണ് കേസെടുത്തിരുന്നത്. ഇപ്പോൾ കോഴിക്കോട് സിറ്റി അസിസ്റ്റൻറ് കമ്മീഷണറായ അന്നത്തെ ഇരിട്ടി സി.ഐ.കെ.സുദർശനാണ് ആദ്യ അന്വേഷണം നടത്തി പ്രതിയെ അറസ്റ്റ് ചെയ്തിരുന്നത്. ആറളം എസ്.കെ.എസ് സ്റ്റേറ്റ് മൺ റോഡിനടുത്ത പരിപ്പിൻ തോട്ടിലെ ചെളിവെളളത്തിൽ കൊലപ്പെടുത്തിയ ശേഷം രാമചന്ദ്രന്റെ കഴുത്തിലുണ്ടായ 15 ഗ്രാം തൂക്കമുള്ള മാലയും പ്രതി ടോമി പൊട്ടിച്ചെടുത്തിരുന്നു. കൊലപാതകത്തിന് ജിവപര്യന്തവും 50,000 രൂപ പിഴയും കവർച്ചക്ക് 7 വർഷം തടവും 10,000 പിഴയുമാണ് ശിക്ഷ.ഇപ്പോൾ വളപട്ടണത്ത് സി.ഐ.യായ അന്നത്തെ ഇരിട്ടി സി.ഐ.വി.വി. മനോജാണ് കേസന്വേഷണം പൂർത്തിയാക്കി കോടതിയിൽ കുറ്റപത്രം സമർപ്പിച്ചത്.

Advertisements

Leave a Reply

This site uses Akismet to reduce spam. Learn how your comment data is processed.

%d bloggers like this: