ഒടുവില്‍ കെ സുരേന്ദ്രന്‍ ജയിലില്‍ നിന്ന് പുറത്തേക്ക്; ഹൈക്കോടതിയില്‍ നിന്ന് ജാമ്യം, കർശന ഉപാധികൾ

കൊച്ചി: ശബരിമല വിഷയത്തില്‍ അറസ്റ്റിലായ ബിജെപി സംസ്ഥാന ജനറല്‍ സെക്രട്ടറി കെ സുരേന്ദ്രന് ഹൈക്കോടതി ജാമ്യം അനുവദിച്ചു. ശബരിമലയിലെത്തിയ സ്ത്രീയ്ക്ക് നേരെ നടന്ന വധശ്രമ ഗൂഢാലോചന കേസില്‍ ആണ് സുരേന്ദ്രന് ജാമ്യം നല്‍കിയത്.
കര്‍ശന ഉപാധികളോടെയാണ് സുരേന്ദ്രന് ജാമ്യം അനുവദിച്ചിരിക്കുന്നത്. പത്തനംതിട്ട ജില്ലയില്‍ പ്രവേശിക്കരുത് എന്നാണ് പ്രധാനപ്പെട്ട ഉപാധി. കഴിഞ്ഞ 21 ദിവസങ്ങളായി കെ സുരേന്ദ്രന്‍ ജയിലില്‍ ആയിരുന്നു. മറ്റ് കേസുകളില്‍ എല്ലാം ജാമ്യം കിട്ടിയിരുന്നെങ്കിലും ഗൂഢാലോചന കേസില്‍ ജാമ്യം കിട്ടാത്തതിനാല്‍ സുരേന്ദ്രന്‍ ജയിലില്‍ തന്നെ ആയിരുന്നു.
നേരത്തെ ഹൈക്കോടതിയില്‍ നിന്ന് കെ സുരേന്ദ്രന് രൂക്ഷ വിമര്‍ശനങ്ങള്‍ ഏറ്റുവാങ്ങേണ്ടി വന്നിരുന്നു. വ്യക്തി വിരോധം തീര്‍ക്കുന്ന രീതിയിലുള്ള നടപടിയാണ് പോലീസ് തനിക്കെതിരെ സ്വീകരിക്കുന്നത് എന്നായിരുന്നു സുരേന്ദ്രന്റെ വാദം.

Advertisements

Leave a Reply

This site uses Akismet to reduce spam. Learn how your comment data is processed.