സഹകരണ വകുപ്പിന്റെ കെയർ ഹോം പദ്ധതിക്ക് തുടക്കം

സഹകരണ വകുപ്പ് പ്രളയ പുനരധിവാസപ്രവർത്തനങ്ങളുടെ ഭാഗമായി കെയർ ഹോം പദ്ധതിയിലുൾപ്പെടുത്തി കണ്ണൂർ ജില്ലയിൽ 20 വീടുകൾ നിർമ്മിക്കുന്ന പദ്ധതിക്ക് തുടക്കമായി. ജില്ലാതല ഉദ്ഘാടനം ചക്കരക്കല്ല് ഇരിവേരി വില്ലേജിലെ നാണുപ്പീടികക്ക് സമീപം പുത്തൻവളപ്പിൽ റുഖിയയ്ക്ക് നിർമ്മിക്കുന്ന വീടിന്റെ തറക്കല്ലിട്ട് ചെമ്പിലോട് ഗ്രാമ പഞ്ചായത്ത് പ്രസിഡന്റ് ടി വി ലക്ഷ്മി നിർവ്വഹിച്ചു. മൗവ്വഞ്ചേരി റൂറൽ ബേങ്ക് പ്രസിഡന്റ് കെ നാരായണൻ അധ്യക്ഷനായി.

പദ്ധതി നടത്തിപ്പിനായി ഒരു വീടിന് 4,95100 രൂപയാണ് നൽകുന്നത്. ഗുണഭോക്താക്കളുടെ പദ്ധതി പ്രദേശത്തെ സഹകരണ സ്ഥാപനത്തിനാണ് നിർമ്മാണത്തിന്റെ മേൽനോട്ട ചുമതല. വീട് നിർമ്മാണത്തിനായി ഉദാരമതികളുടെ സഹായവും തേടും. സന്നദ്ധരായ തൊഴിലാളികളുടെ സേവനവും സ്വീകരിക്കും.

കഴിഞ്ഞ കാലവർഷത്തിലാണ് റുഖിയയുടെ വീട് നിലം പൊത്തിയത് 92 കാരിയായ റുഖിയയും മകളും ഈ വീട്ടിലായിരുന്നു താമസം. തകർന്ന വീടിന് തൊട്ടടുത്തുള്ള 20 സെന്റ് ഭൂമിയിലാണ് പുതിയ വീടിന്റെ നിർമ്മാണം. മാർച്ച് 10 നകം നിർമ്മാണപ്രവൃത്തി പൂർത്തിയാക്കാനാണ് സഹകരണ വകുപ്പ് തീരുമാനം. മൗവ്വഞ്ചേരി സർവ്വീസ് സഹകരണ റൂറൽ ബേങ്കിനാണ് മേൽനോട്ട ചുമതല.  ചടങ്ങിൽ ഇരിവേരി വില്ലേജ് ഓഫീസർ പി വി ബീന, എം കെ മോഹനൻ തുടങ്ങിയവർ സംബന്ധിച്ചു.

Leave a Reply

This site uses Akismet to reduce spam. Learn how your comment data is processed.

%d bloggers like this: